~ياهيه التفت لي واسمع دعاي لك ياهيه~

قصيدة من قصايد الشاعر
محمد بن فطيس





ياهيه التفت لي واسمع دعاي لك ياهيه
ترى عادك بتشبع من البعد وتواجه

دعيتك بصوت ياصلك ليه ماتوحيه؟
وانا اسمع ضلوعك من صدى الصوت لجاجه!

عليك الفؤاد خلاجه مصمخ راعيه
خفا الله في راعيه ماتسمع خلاجه

ترى العفو قد جاك أوله وإغتنم تاليه
وترى الحلم بحر(ن) غير لاتأمن أمواجه

وترى الود ليل(ن) مضلمـ(ن) جيت لك ساريه
سراجه وصالك والجفا ينفخ سراجه

وترى قصرنا الي كم سنه نجمع ونبنيه
هواء العذل طيح بابه العود وسياجه

لي أيام مدري وين دارك ولا ادري ليه؟
وأنا خابرني باب شفك ومزلاجه

غياب بلا سبه هجادن بلا تنبيه
وجفا أغلى العرب نار(ن) على الكبد وهاجه

نضج قلبي من البعد وش حاجتك تكويه؟!
جفاك الجمر والصبر في بعدك الصاجه

وطبع حبك بقلبي والايام ماتمحيه
هذا هجرك يحاول يموجه ولا ماجه

يموت الامل لاكن ظنون الغلا تحيه
وعروق الوفاء في الروح والقلب وجاجه

خبرتو حدن يبكي على واحدن يبكيه!
وخبرتو حدن مسجون مايبغي فراقه؟

أحبه ولا ابغظته على شي يسويه
ولا زادت رقاب الرجى فيه منعاجه

عسى منزل(ن)ضمه حقوق الوسم تسقيه
وتضحك له الدنيا وهو تضحك حجاجه

فقد خاطري شي من الضيقه مسليه
وغدت روحي من الناس والليل هجاجه

اروح لمكان خابره خابره ياتيه
أسوق القدم صوبه وهي مالها حاجه

مكان نزيه واول مواجهي له فيه
وانا خابر ان ما رجل مثله بدواجه

لعل وعسى ماحدني للمجي يدعيه
واشوفه وانا ما ودي اسبب احراجه

يحب الجريح اخر دروب اللقا ويجيه
وتحب القدم جيه مكان أول مواجه

مشكووره على مرورك غاليتي